Dagana 16. – 22. febrúar mun skátahreyfingin standa fyrir
Góðverkadögum um land allt, undir yfirskriftinni „Góðverk dagsins“.
En þetta er ný útfærsla á nær aldagamalli hefð og
loforði skáta um að gera að minnsta kosti eitt góðverk á dag.

Hugmyndin er að árlega verði haldnir sérstakir Góðverkadagar með virkri þátttöku allra landsmanna. Í ár hefur því verið leitað eftir samvinnu við eftirfarandi aðila:
·       Stöð2 – mun kynna Góðverkadagana í opinni dagskrá dagana 16. – 22. febrúar og hvetja almenning til þátttöku.
·       Dagblöð – verið er að undirbúa umfjöllun bæði á visir.is og hjá Fréttablaðinu.
·       Fjölmenn fyrirtæki – fengu boð um þátttöku og þau hvött til að bjóða upp á góðverkaþemu og beðin að hvetja starfsfólk sitt til þátttöku m.a. með því að gera að minnsta kosti eitt góðverk á dag alla Góðverkadagana. Þegar hafa 14 fyrirtæki staðfest þátttöku. Þau fyrirtæki sem ekki hafa fengið sérstakt boð eru auðvitað líka velkomið að vera með.
·       Skátafélög landsins – munu fest vera með fjölbreytta góðverkadagskrá í félagsstarfi sínu þessa daga.
·       Framhaldsskólar – nokkrir framhaldsskólar víðsvegar um land munu vera með dagskrá tengda Góðverkadögunum, ýmist á vegum nemendafélaga eða annarra hópa.
·       Leikskóla – nokkrir leikskólar eða leikskóladeildir víðsvegar um land munu hafa dagskrá tengda Góðverkadögunum.
·       Grunnskólar landsins – hafa fengið boð um að vera með. Sumir hafa þegar látið vita af sér.

Heimasíða Góðverkadagsins (www.godverkin.is) verður opnuð á allra næstu dögum. Og rétt er að geta þess að síðan Góðverk gleðja á Facebook hefur fengið margar heimsóknir.

Á þessu má sjá að undirbúningur gengur vel og spennandi verður að fylgjast með framvindu mála næstu daga.

Börnin á Jötunheimum koma til með að taka þátt í Góðverkavikunni!